ss ss ss ss

ئامېرىكىدىكى 11 ئىشتاتتا چوڭ ئۈچەي تاياقچە باكتېرىيەسى يۇقۇم ئەھۋالى كۆرۈلدى
2018-04-15 22:59:45   مەنبە:   كۆرۈلىشى:

بېتا تورى 15-ئاپرېل خەۋىرى، نۇر تورى تەرجىمىسى:

ئامېرىكا كېسەللىكلەرنى كونترول قىلىش مەركىزى (CDC) ئېلان قىلغان باياناتتا ئېيتىلىشىچە، ئامېرىكىدىكى كۆپلىگەن ئىشتاتلاردا يۈز بەرگەن چوڭ ئۈچەي تاياقچە باكتېرىيەسى يۇقۇم ئەھۋالى ئۇۋاق Romaine Lettuce (ئۇزۇن يوپۇرماقلىق كۆكتات/رومان سۈتلۈك كۆك چېچەك) كەلتۈرۈپ چىقارغان بولۇشى مۇمكىن ئىكەن، ئەگەر ئىستېمالچىلار ئۆز ئۆيىدىكى كۆكتاتنىڭ قايسى خىل كۆكتات ئىكەنلىكىنى بىلمىسە، ئۇ ھالدا ئەڭ ياخشى ئىشلەتمىگىنى ياخشى ئىكەن. 

نۆۋەتتە CDC كەڭ كۆلەمدە يامرىغان چوڭ ئۈچەي تاياقچە باكتېرىيە ۋىرۇسىنىڭ قايسى ئۆسۈملۈك ئۆستۈرگۈچى، تەمىنلىگۈچى، ۋاكالىتەن ساتقۇچىلار تەمىنلىگەنلىكى ئېنىق ئەمەس، ئەمما نۆۋەتتە بۇلغىنىشنىڭ تەسىرىگە ئۇچرىغان كۆكتاتلار پەقەت ئارىزونا ئىشتاتىنىڭ يۇما رايونىدىلا بار. 

CDCنىڭ بىلدۈرۈشىچە، چوڭ ئۈچەي تاياقچە باكتېرىيەسى بۇلغانغان سۇ ياكى يېمەكلىك ئارقىلىق تارقىلىدىكەن، ئادەم يۇقۇملانغاندىن كېيىن ئاشقازان تارتىشىپ قېلىش، ئىچى سۈرۈش ۋە قۇسۇش قاتارلىق ئالامەتلەر كۆرۈلىدىكەن، ئېغىر بولغاندا بۆرەك زەئىپلىشىشنى كەلتۈرۈپ چىقىرىدىكەن. بۇ كىشىلەر 3-ئاينىڭ 22-كۈنىدىن 31-كۈنىگىچە بولغان مەزگىلدە يۇقۇملانغان بولۇپ، يېشى 12 ياشتىن 84 ياشقىچە ئىكەن ھەمدە كۆپىنچىسى ئايال ئىكەن. 

CDCنىڭ بىلدۈرۈشىچە، نۆۋەتتە پۈتۈن ئامېرىكىدىكى 11 ئىشتاتتا 35 ئادەم يۇقۇملانغان، بۇنىڭ ئىچىدە 22 ئادەمنىڭ كېسەللىك ئەھۋالى ئېغىر بولۇپ، دوختۇرخانىدا يېتىپ داۋالانمىسا بولمايدىكەن. بۇنىڭ ئىچىدىكى ئۈچ بىماردا بۆرەك زەئىپلىشىش ئالامەتلىرى كۆرۈلگەن. نۆۋەتتە ئۆلۈم-يېتىم ئەھۋالى بايقالمىغان. 

دوكلات قىلىنغان يۇقۇملانغۇچىلار سانى جەھەتتە پىنسىلۋانىيە ئىشتاتىدا توققۇز ئادەم، ئايداخو ئىشتاتىدا سەككىز ئادەم، يېڭى جېرسىي ئىشتاتىدا يەتتە ئادەم، كوننېكتىكات ئىشتاتىدا ئىككى ئادەم، نيۇيوركتا ئىككى ئادەم، ئوخايو ئىشتاتىدا ئىككى ئادەم، ۋىرگىنىيە ئىشتاتىدا بىر ئادەم، ۋاشىنگتون ئىشتاتىدا بىر ئادەم، مىسسۇرى ئىشتاتىدا بىر ئادەم، مىچگان ئىشتاتىدا بىر ئادەم، ئىللىنويىز ئىشتاتىدا بىر ئادەم بار. 

ئالدىنقى مەزمۇن: ئەنگلىيەدىكى 33 ياشلىق يالغۇز ئانا 50 فوندستېرلىڭ سەۋەبلىك ئالتە بالىسى بىلەن ئاپىسىنىڭ ئۆيىگە كېلىۋالدى
كېيىنكى مەزمۇن: دۇنيانىڭ ھەرقايسى جايلىرىدىكى ئۆزگىچە مېھمانخانىلاردىن قايسىنى ياقتۇردىڭىز

分享到: 收藏
ئەڭ يېڭى خەۋەرلەر

قۇياش تورى : www.kuyax.cn

شىنجاڭ قۇياش خەلقئارا سودا چەكلىك شىركىتى قارمىقىدىكى تور بېكەت 

新疆库亚西国际商贸有限公司旗下网站

ئېلان ئالاقە تېلېفونى : 13999999701

新ICP备16000562号-4

新公网安备 65010302000079号