ئاپتونوم رايونىمىزدىكى تۇنجى غول ھۈجەيرىسىنى كېلىنكىدا قوللىنىش پەن-تېخنىكا يۇرتى ئۈرۈمچىگە ماكانلاشتى
2018-04-16 12:27:01   مەنبە:   كۆرۈلىشى:

شىنجاڭ تورى خەۋىرى: ئىلگىرىكى داۋالاش ئۇسۇلىدا ئۆسمىنى ئاساسلىقى ئوپېراتسىيە قىلىش، رادىئوتېراپىيە، خىمىيەلىك داۋالاش قاتارلىق ئۇسۇللار ئارقىلىق داۋالايدىغان بولۇپ، نۆۋەتتە ئىممۇنىتېتلىق ھۈجەيرىلەر ئارقىلىق ئىممۇنىتېت كۈچىنى ئاشۇرۇپ، ئۆسمە ھۈجەيرىلىرىنى يوقىتىش ئەمەلگە ئاشقان.

ئاپتونوم رايونىمىزدىكى تۇنجى غول ھۈجەيرىسىنى كېلىنكىدا قوللىنىش پەن-تېخنىكا يۇرتى 4-ئاينىڭ 9-كۈنى ئۈرۈمچىگە ماكانلاشتى.

ئىگىلىنىشىچە، بۇ پەن-تېخنىكا يۇرتىنى شىنجاڭ «يىجياشىڭ» بىيو پەن-تېخنىكا چەكلىك شىركىتى 420 مىليون يۈەن مەبلەغ سېلىپ قۇرغان بولۇپ، بۇ قۇرۇلۇش تۈرى ئۈرۈمچى شەھىرىنىڭ ئىقتىساد-تېخنىكا تەرەققىيات رايونىغا جايلاشقان(تۇدۇڭخابا رايونى). بۇ قۇرۇلۇش تۈرى پۈتكەندىن كېيىن، بۇ پەن-تېخنىكا يۇرتى ئاپتونوم رايونىمىزدىكى داۋالاش ئاپپاراتلىرى ۋە پەن-تەتقىقات ئورۇنلىرىنى « ئېھتىياج بويىچە زاكاز قىلىنغان » تەتقىقات دەرىجىلىك ۋە كېلىنكىلىق دەرىجىلىك ئەسلىگە قايتۇرغىلى بولىدىغان ھۈجەيرە بۇيۇملىرى بىلەن تەمىنلەيدىكەن ھەمدە شەھەر ئاھالىلىرىنى « خۇسۇسىي زاكاز قىلىنغان » ھۈجەيرە ساقلاش مۇلازىمىتى بىلەن تەمىنلەيدىكەن.

مۇخبىرنىڭ ئالاقىدار ئورۇنلاردىن ئىگىلىشىچە، بۇ قۇرۇلۇش تۈرىنىڭ ئىگەللىگەن يەر كۆلىمى 60 مو بولۇپ، قۇرۇلۇش ئىككى باسقۇچقا بۆلۈپ ئېلىپ بېرىلدىكەن. بىرىنچى قارارلىق قۇرۇلۇشتا ئاساسلىقى ئىممۇنىتېت ھۈجەيرىسىنى ياساپ تەييارلاش ۋە داۋالاش مەركىزى، سالامەتلىكنى ئەسلىگە كەلتۈرۈش ۋە سالامەتلىك تەكشۈرۈش مەركىزى، يۈرۈشلەشكەن بېقىنىش ياتاق بىناسى قاتارلىق ئەسلىھەلەرنى قۇرۇپ چىقىپ، 2020-يىلىغىچە ئىممۇنىتېتلىق ھۈجەيرە بىلەن داۋالاش تېخنىكىسىدا نۆۋەتتە خەلقئارادا ئەڭ ئىلغار بولغان RNK ئىممۇنىتېتلىق ھۈجەيرە بىلەن داۋالاش تېخنىكىسىنى قوللىنىش پىلانلانغان. ئىككىنچى قارارلىق قۇرۇلۇشتا بولسا غول ھۈجەيرىلىرىنى تەييارلاش ۋە ساقلاش ئىسكىلاتى، يۈرۈشلەشتۈرۈلگەن قايتا ئۆستۈرۈش تېببىي ئىلمىي تەتقىقات مەركىزى ۋە سىناق مەركىزى قاتارلىق ئەسلىھەلەر قۇرۇلىدىكەن.

مەنبە: http://uy.ts.cn/system/2018/04/13/035165791.shtml