سۈن خوڭبىن: لېشىنىڭ پېيى كىمگە لازىم؟ ئەرزان بېرىۋېتىمەن
2018-03-30 11:41:54   مەنبە:   كۆرۈلىشى:

IT ئائىلىسى تورى 29-مارت خەۋىرى،نۇر تورى تەرجىمىسى:

بۈگۈن روڭچۇاڭ جۇڭگو نەتىجە ئېلان قىلىش يىغىنىدا، سۇن خوڭبىن: لېشى تىپىك مەغلۇب بولغان مەبلەغ سېلىش بولدى، جەمئىي سېلىنغان 16 مىليارد 500 مىليون قۇدۇققا چۈشۈپ كەتتى دېدى.

ئۇنىڭدىن «لېشىنىڭ پېيىنى سېتىۋالىدىغان ئادەم تاپامسىز؟» دەپ سورالغاندا، سۇن خوڭبىن مۇنداق دەيدۇ: سوراپ بېقىڭ! كىم لېشىنىڭ پېيىنى ئالماقچى بولسا، باھاسىنى چۈشۈرۈپ بېرىمەن، توققۇز ئۈلۈش. ئەگەر ھەقىقىي ئېلىش نىيىتى بولسا يەنە مەسلىھەتلەشسەك بولىدۇ. پۈتۈشۈپ قالساق بازار بويىچە بولىدۇ. مېنىڭمۇ باھاسىنى چۈشۈرگۈم بار، ئامال يوق پۇل قاتاي دېسەممۇ قاتقىلى بولمايدۇ. ئەگەر باشقىلارنىڭ راستلا ئېلىش نىيىتى بولسا مېنى ئىزدىسۇن، باھاسىدا ئوبدان كېلىشىپ قالىمىز. بىراق باھاسى مۇۋاپىق بولمىسا مەنمۇ ساتمايمەن.

سۇن خوڭبىن لېشىنى مەغلۇب بولغان مەبلەغ سېلىش دەپ ئۇدۇللا ئېيتتى: 16 مىليارد 500 مىليون زىيان تارتتىم. قول-بىلەك ئەمەس بېشىم ئۈزۈلدى.

بۇ تىپ ئۆزگەرتكەننىڭ بەدىلى. مەدەنىيەت بولسا شېئىر، ساياھەت بولسا يىراق مەنزىل. بىزنىڭ مەبلەغ سالىدىغىنىمىز شېئىر ۋە ساياھەت ئىدى.

يېڭى لېشى ئەقلىي ئۆي جاھازىلىرى لېشى تورىنىڭ %40 پاي ھوقۇقىنى ئىگىلەيدۇ، بىراق لېشى تورىنىڭ ئۇنىڭغا قىلچىلىك پايدىسى يوق. ئەمما بىز مەبلەغ كۆپەيتسەك بولىدۇ، ھەمكارلاشقۇچى تاپالىساقلا بۇ شىركەتتىن يەنە ئۈمىد بار.

لېكىن لېشى تورىغا نېمە دەي! مەن يەنە 10 مىليارد بېرىپ ساراڭ بولۇپ قالمىدىم.

روڭچۇاڭ جۇڭگو 29-مارت ئەتتىگەن 2017-يىللىق نەتىجىسىنى ئاشكارىلىغان بولۇپ، ئالدىنقى يىلى بازارغا سېلىنغان پاي چەكلەرنىڭ ساپ پايدىسى 11 مىليارد يۈەن بولغان. ئوخشاش مەزگىلدىكىدىن %344 ئاشقان. لېشىغا مەبلەغ سالغان 16 مىليارد 560 مىليون يۈەن زىيانغا كەلسەك، روڭچۇاڭ ئىپادە بىلدۈرۈپ، مالىيە لېشىغا ئالاقىدار سەلبىي تەسىرنى تولۇق ئويلاشتى، كەلگۈسىدە كۆپچىلىك لېشىنىڭ سەلبىي تەسىرىنى ئۇنتۇپ كەتسە بولىدۇ دېدى.